Angliya chempionatining 32-turi doirasida bo‘lib o‘tgan London derbisida «Chelsi» imkoniyatni boy berdi. Lempard shogirdlari «Vest Xem» mehmoni bo‘lishdi.

Birinchi bo‘lim tugashiga 3 daqiqa qolganida Villian penaltidan hisobni ochgan bo‘lsa, mezbonlar tanaffusga qadar muvozanatni tiklashga muvaffaq bo‘lishdi.

Ikkinchi bo‘lim boshida "bolg‘achilar" Antonioning goli evaziga oldinga o‘tib olishdi. 72-daqiqada Villian "dubl"ni rasmiylashtirish bilan birga hisobni tenglashtirgandi. Ammo o‘yin so‘ngida Yarmolenkoning goli "Vest Xem"ga g‘alaba keltirdi.

«Chelsi» birinchi davrada ham ushbu raqibga yutqazgan edi (0:1). Bundan tashqari Frenk Lempard jamoasining 5ta o‘yinda iborat g‘alabali seriyasi uzilib qoldi.

«Chelsi» 54 ochko bilan 4-o‘rinni egallab turgan bo‘lsa, «Vest Xem» 30 ochko bilan 16-o‘ringa ko‘tarilib oldi.

Angliya chempionati, 32-tur
Vest Xem – Chelsi 3:2 (1:1, 2:1)
Gollar: 0:1 – 42, penalti Villian, 1:1 – 45 Souchek, 2:1 – 51 Antonio, 2:2 – 72 Villian, 3:2 – 89 Yarmolenko.
Vest Xem – Fabianski, Frederiks, Diop, Ogbonna, Kressuell, Rays, Souchek, Bouen (Yarmolenko, 78), Fornals (Balbuena, 90), Lansini (Uilsher, 68), Antonio.
Chelsi – Arrisabalaga, Aspilikueta, Kristensen, Ryudiger, Alonso, Barkli (Loftus-CHik, 63), Kante, Kovachich (Maunt, 53), Villian, Abraxam (Jiru, 63), Pulishich.
Ogohlantirishlar: Lansini (65), Rays (70), Villian (82).