"Барселона" бош мураббийи Кике Сетьен ҳужумчи Лионель Месси билан муносабатлари ҳақида гапирди. Aввалроқ мураббий ва футболчи ўртасидаги муносабатлар кескинлашганлиги ҳақида хабар берилган эди.
"У машғулотларда яхши ишламоқда. Биз иш ҳақида гаплашяпмиз, бошқа ҳеч нарса йўқ. Унинг келажагига келсак, мен бу ҳақда фикр билдирмоқчи эмасман. Мессидан бу ҳақда ҳеч нарса эшитмадим ва умуман бу менинг ишим эмас», — деди Сетьен шанба куни бўлиб ўтган матбуот анжуманида.
ОAВ хабарларига кўра, Месси фаолиятини "Манчестер Сити"да давом эттириши мумкин.
