Рестартдан кейин Италия чемпионати баҳсларини жуда яхши ўтказаётган "Милан" клуби 30-тур доирасида «Лацио» майдонида меҳмон бўлиб, рақибни йирик ҳисобда тор-мор келтирди.

Учрашувнинг 23-дақиқасида Ҳоқон Чалхонўғлу миланликларни олдинга олиб чиқди. 34-дақиқада эса Златан Ибраҳимович пенальтини аниқ бажарган ҳолда, ҳисобни оширди. Иккинчи бўлим аввалида Анте Ребич мезбонлар дарвозасига учинчи тўпни жойлаб қўйди.

Ушбу ғалабадан сўнг «Милан» 46 очко билан 6-ўринга кўтарилди. «Лацио» эса 68 очко билан иккинчи ўринда бормоқда. Римликлар пешқадам «Ювентус»дан 7 очко ортда қолмоқда. "Россонери" навбатда турда 7 июль куни "Ювентус"ни қабул қилади.

А Серия, 30-тур
«Лацио» — «Милан» 0:3
Голлар: 0:1 – 23 Чалхонўғлу, 0:2 – 34, пенальти Ибраҳимович, 0:3 – 59 Ребич.
«Лацио»: Стракоша, Габаррон, Ачерби, Раду (Вавро, 55), Лаццари, Милинкович-Савич (Андерсон, 67), Лейва (Адекане, 46), Пароло, Хони Родригес (Лукаку, 55), Луис Альберто, Корреа (Каталди, 64).
«Милан»: Доннарумма, Конти (Калабрия, 72), Кер, Романьоли, Тео, Кессиэ (Биглия, 86), Беннасер, Салемакерс, Бонавентура (Крунич, 71), Чалхонўғлу (Лукас Пакета, 38), Ибрагимович (Ребич, 46).
Огоҳлантиришлар: Лукаку (78), Лукас Пакета (81).