«Ливерпуль» бош мураббийи Юрген Клопп ушбу мавсумда Чемпионлар лигаси ғолиблигига даъвогар клубларни айтиб ўтди.

«Қолган жамоалар орасида мен учун фаворит клублар — «Бавария» ва «Манчестер Сити». Улар финалга чиқса, қизиқарли ўйин бўларди! Бундай финал юзага келадими ёки йўқми, билмадим, балки улар эртароқ тўқнаш келишар. Эҳтимол яна бошқа воқеа юз берар.

Бу мусобақада ғолиб чиқиш учун омад ҳам керак, лекин Чемпионлар лигасида ғолиб чиқишни истасанг, финалга энг яхши таркибни тайёрлашинг керак. Бошқа жамоаларда имконият йўқ демаяпман, шунчаки «Бавария» ва «Сити»нинг имкониятлари юқорироқ. Менимча, шундай.

Аммо жаҳондаги ҳеч бир клуб идеал эмас. «Манчестер Сити» идеал эмас, «Бавария» идеал эмас, биз ҳам идеал эмасмиз, лекин ЕЧЛда ғолиб чиқиш учун идеалга яқин бўлиш керак. Қисқа муддатда якунланадиган турнирни мен томоша қиламан. Бу жуда қизиқарли бўлади. Афсуски, «Ливерпуль» унда иштирок этмайди», — деди Клопп Goal нашрига берган интервьюсида.