«Liverpul» bosh murabbiyi Yurgen Klopp ushbu mavsumda Chempionlar ligasi g‘olibligiga da’vogar klublarni aytib o‘tdi.

«Qolgan jamoalar orasida men uchun favorit klublar — «Bavariya» va «Manchester Siti». Ular finalga chiqsa, qiziqarli o‘yin bo‘lardi! Bunday final yuzaga keladimi yoki yo‘qmi, bilmadim, balki ular ertaroq to‘qnash kelishar. Ehtimol yana boshqa voqea yuz berar.

Bu musobaqada g‘olib chiqish uchun omad ham kerak, lekin Chempionlar ligasida g‘olib chiqishni istasang, finalga eng yaxshi tarkibni tayyorlashing kerak. Boshqa jamoalarda imkoniyat yo‘q demayapman, shunchaki «Bavariya» va «Siti»ning imkoniyatlari yuqoriroq. Menimcha, shunday.

Ammo jahondagi hech bir klub ideal emas. «Manchester Siti» ideal emas, «Bavariya» ideal emas, biz ham ideal emasmiz, lekin YECHLda g‘olib chiqish uchun idealga yaqin bo‘lish kerak. Qisqa muddatda yakunlanadigan turnirni men tomosha qilaman. Bu juda qiziqarli bo‘ladi. Afsuski, «Liverpul» unda ishtirok etmaydi», — dedi Klopp Goal nashriga bergan intervyusida.