«Манчестер Юнайтед» 4 июль куни «Олд Траффорд»да «Борнмут»ни қабул қилиб, 5:2 ҳисобида ғалаба қозонди.
Манкунианликларнинг ёш ҳужумчиси Мэйсон Гринвуд мазкур баҳсда "дубл"га эришди. Натижада 18 ёшли футболчининг "МЮ" сафидаги жорий мавсумда барча мусобақалар доирасида урган голлари сони 15тага етди.
Шу тариқа, Гринвуд сўнгги 37 йил ичида бир мавсумда 15та гол урган "Юнайтед"нинг энг ёш футболчисига (18 ёшу 277 кун) айланди. 1983 йилда эса 18 ёшу 19 кунлик Норман Уайтсайд мазкур маррани забт этган эди.