«Реал» клуби жорий мавсумда Испания Ла лигаси ёки Европа чемпионлар лигасида ғалаба қозонса, футболчилар мукофот пулидан воз кечишга рози бўлишди. Бу ҳақда испаниялик журналист Эдуардо Инда хабар тарқатди.
Иқтисодий инқироз туфайли ўйинчилар шундай қарорга келишди.
«Реал» мавсум якунланишига 4 тур қолганида «Барселона»ни 4 очко ортда қолдирган ҳолда пешқадамлик қилишмоқда.
«Қироллик клуби» Чемпионлар лигасининг нимчорак финал босқичи доирасида дастлабки ўйинда «Манчестер Сити»га ютқазди. Жавоб учрашуви 7-8 август кунлари бўлиб ўтади.