«Ростов» Япониянинг «Токио» клуби билан ярим ҳимоячи Кенто Хасимото трансфери борасида келишувга эришганини эълон қилди. Бу ҳақда клуб расмий сайти хабар тарқатди.

Маълумотларга қараганда, 26 ёшли футболчи тиббий кўрикдан ўтганидан сўнг «Ростов» билан 4 йиллик шартнома имзолайди.
⁣⁣⠀
Хасимото «Токио» сафида 165та ўйинда майдонга тушиб, 17та гол урди ва 6та голга узатма берди.

Унинг майдондаги асосий позицияси таянч ярим ҳимояси ҳисобланади. Шунингдек, у марказий ярим ҳимоячи ва марказий ҳимоячи сифатида ҳам ўйнаши мумкин. У Япония терма жамоаси сафида 7та ўйинда майдонга тушган.

Transfermarkt портали Хасимотони 1,2 миллион еврога баҳолаган. Аммо трансфер суммаси ҳозирча маълум қилингани йўқ.