«Манчестер Юнайтед» Англия чемпионатининг 34-туридан ўрин олган «Астон Вилла»га қарши ўйинда йирик 3:0 ҳисобида ғалаба қозонди.
Шу тариқа, «қизил иблислар» АПЛ рекордини ўрнатишди — ҳали бирорта Англия клуби кетма-кет тўртта ўйинда 3 ва ундан кўп тўп фарқи билан ғалаба қозонмаган экан.
Сульшер шогирдлари «Астон Вилла» билан ўйинга қадар «Борнмут» (5:2), «Брайтон» (3:0) ва «Шеффилд Юнайтед» (3:0) устидан ишончли ғалабаларни қўлга киритишган эди.
Ушбу рекорд Англия премьер-лигаси ташкил этилган 1992 йилдан шу пайтгача бўлган даврга тегишли.