Бугун ижтимоий тармоқларда “Бунёдкор” жамоаси футболчиларидан бири коронавирус юқтириб олганликда гумон қилингани ҳақида хабарлар тарқалди. Шундан келиб чиқиб, футболчи алоҳида изоляцияга олинган.
Суперлиганинг 8-туридан ўрин олган баҳсда “Навбаҳор” айнан “Бунёдкор” меҳмони бўлганлиги сабабли, бугун Наманган вилоят Санитария-эпидемиологик осойишталик агентлиги ходимлари “Навбаҳор” қароргоҳига ташриф буюришди.
Жамоамиз мураббийлар штаби ва футболчилар коронавирусга тест топширишди.
“Навбаҳор” ПФК матбуот хизмати.
