Bugun ijtimoiy tarmoqlarda “Bunyodkor” jamoasi futbolchilaridan biri koronavirus yuqtirib olganlikda gumon qilingani haqida xabarlar tarqaldi. Shundan kelib chiqib, futbolchi alohida izolyasiyaga olingan.
Superliganing 8-turidan o‘rin olgan bahsda “Navbahor” aynan “Bunyodkor” mehmoni bo‘lganligi sababli, bugun Namangan viloyat Sanitariya-epidemiologik osoyishtalik agentligi xodimlari “Navbahor” qarorgohiga tashrif buyurishdi.
Jamoamiz murabbiylar shtabi va futbolchilar koronavirusga test topshirishdi.
“Navbahor” PFK matbuot xizmati.
