«Манчестер Сити» клуби Спорт арбитраж судининг қарори бўйича баёнот берди.
Эслатиб ўтамиз, CAS "шаҳарликлар"нинг апелляциясини қаноатлантириб, УЕФАнинг клубни 2 йилга еврокубоклардан четлатиш ҳақидаги қарорини бекор қилди. Бундан ташқари, «Сити»нинг жарима суммаси ҳам қисқартирилди.
«Биз мазкур қарорни олқишлаймиз. Бу эса клубимизнинг айбдор эмаслигини исботлайди.
«Манчестер Сити» суд жараёнининг барча иштирокчиларига жиддий меҳнати ва тўғри ташкил этилган суд жараёни учун миннатдорчилик билдиради», — дейилади баёнотда.