Англиянинг «Манчестер Юнайтед» клуби ярим ҳимоячиси Неманья Матич «Саутгемптон» клубига (2:2) қарши ўйиндан кейинги фикрлари билан ўртоқлашди.

— Биз бошимизни баланд кўтаришимиз керак, олдимизда яна учта ўйин турибди. Агар биз қолган учта ўйинни ютсак, у ҳолда ЕЧЛга йўлланма оламиз. Ўйлайманки, биз бунга эришамиз. Барчаси ўз қўлимизда ва биз имкон қадар тезроқ тикланишимиз керак. Аминманки, жамоа бунга тайёр. Албатта, уч ой аввал барчаси бошқача эди. «Челси» ва «Лестер» клублари очко йўқотишлари керак эди ва улар буни қилди. Эндиликда биз «Челси»дан бир очко ортда қоляпмиз ва барчаси ўз қўлимизда. Келаётган икки ҳафта биз учун жуда муҳим, - деди Матич клуб матбуот хизматига.