Лондоннинг «Челси» клуби бош мураббийи Фрэнк Лэмпард «Норвич» клуби устидан қозонилган ғалабадан кейинги фикрлари билан ўртоқлашди.
«Мавсумнинг айнан ҳозирги палласида натижа муҳим. Рақиб дарвозамизни ишғол этиши учун битта ҳам имконият бермадик. Биз профессионалларча иш тутдик. Мен кўп нарсаларни хоҳлайман, лекин ҳозир натижа биринчи ўринда туради.
Биз тўп билан тезроқ ҳаракат қилишимиз керак. Биз буни жорий мавсум вақти-вақти билан амалга оширдик, агар биз яхши ўйин намойиш этишни хоҳласак, тўп билан тезроқ олдинга ташланиш устида ишлашимиз керак. Аммо, ғалабадан кейин танқидлар остида қолиб кетишни хоҳламайман», - деди Лэмпард.