Мадриднинг «Реал» клуби бош мураббийи Зинедин Зидан «Вильярреал» клубига қарши бўлиб ўтадиган учрашувдан аввалги фикрлари билан ўртоқлашди. Агар бугун "Реал" ғалаба қозонадиган бўлса, у ҳолда расман Ла Лига чемпионига айланади.

«Биз ғалаба қозонишни хоҳлаймиз, бор гап шу. Бу бизнинг асосий мақсадимиз. Мен ҳали ўзимни чемпионман деб ҳис қилмаяпман, футболда ҳамма нарса рўй бериши мумкин. Бизни оддий бўлмаган ўйин кутиб турганини биламиз, «Вильярреал» ғалаба учун бор кучини ишга солади», - деди Зидан.

«Реал» бугун «Вильярреал» клубини қабул қилади. Учрашув Тошкент вақти билан соат 00:00да бошланиши режалаштирилган.