Россиянинг «Спорта День за Днем» нашри тарқатган маълумотга қараганда, ҳамюртимиз Вадим Афонин тўп сурган «Оренбург» клубини РПЛда олиб қолиш варианти кўриб чиқилмоқда.
Аввалроқ «Тамбов» клуби техник директори Павел Худяков спорт тамойилларига хос бўлмаган тарзда РПЛни тарк этган «Оренбург» клубини сақлаб қолиш учун чемпионатда жамоалар сонини кўпайтиришни сўраган.
Қайд этиш керакки, "Оренбург" клубига чемпионат мобайнида икки маротаба техник мағлубият ёзилди.
«Зенит» клубига қарши бўлиб ўтган ўйиндан кейин ташкил этилган матбуот анжуманида иштирок этган «Оренбург» клуби бош мураббийи Константин Парамонов чемпионат охирларида спорт тамойилларини кўрмаганлигини айтди ва РПЛ раҳбари Сергей Прядкиндан жамоалар сонини оширишни сўради.
