Марокашлик футболчи Хаким Зиеш аста секинлик билан Лондонга жойлашмоқда. Эслатиб ўтамиз, Хаким сўнгги мавсумда Амстердамнинг «Аякс» клубида тўп сурди. Энди у Англия Премьер-Лигасида жавлон уради.
«Ёш йигит сифатида катта клубларда ўйнашни орзу қиласиз. Шахсан мен АПЛнинг топ-клубларида ўйнашни орзу қилганман. Мен ушбу трансфердан жуда хурсандман, бу мен учун муҳим аҳамият касб этади.
Бу ерда Дрогба, Лэмпард, Террилар ўйнади - буларнинг барчаси ниҳоятда мазмунли номлардир. Мен доим «Челси»ни кузатиб борганман ва энди мен ўзим шу ерда ўйнайман», - деди Зиеш клуб сайтига берган интервьюсида.
