Англия Кубогининг ярим финалида «Арсенал» ва «Манчестер Сити» жамоалари баҳс олиб борди.
Учрашувнинг 19-дақиқасида Пьер-Эмерик Обамеянг лондонликларни ҳисобда олдинга олиб чиқди. Иккинчи бўлимни «шаҳарликлар» фаол бошлади ва мезбонлар дарвозаси олдида бир қатор хавфли вазиятларни содир этди, бироқ уларнинг ҳеч бири самара бермади.
71-дақиқада Обамеянг дарвозабоннинг оёқлари орасидан тўпни ўтказиб, иккинчи голини ҳам урди. Қолган вақтда ҳисоб ўзгармади.
Шу тариқа ушбу ғалабадан кейин Микель Артета шогирдлари мусобақа финалига йўл олди. «Арсенал» ҳал қилувчи баҳсда «Манчестер Юнайтед» — «Челси» учрашуви ғолиби билан куч синашади.
Англия Кубоги
Ярим финал баҳси
18 июль, шанба
«Арсенал» — «Манчестер Сити» 2:0
Голлар: 1:0 – 19 Обамеянг, 2:0 – 71 Обамеянг.
«Арсенал»: Мартинес, Бельерин, Мустафи (Ҳолдинг, 87), Давид Луиз, Мэйтленд-Найлз, Себальос (Колашинац, 88), Жака, Пепе (Уиллок, 72), Тирни, Ляказетт (Торрейра, 78), Обамеянг.
«Манчестер Сити»: Эдерсон, Ляпорт, Уокер, Менди, Эрик Гарсия, Гундўған (Родри Эрнандес, 66), Сильва (Фернандиньо, 87), Маҳрез (Фоден, 66), де Брюйне, Стерлинг, Габриэль Жезус.
