Испания чемпионлигини қўлга киритган “Реал Мадрид” жамоаси футболчиси Лука Модрич Real Madrid TV канали учун экслюзив интервью берди. Эътиборлиси шундаки, ушбу интервьюни “қироллик клуби”нинг афсонавий футболчиси Роберто Карлос уйсуҳтирди.
Ўз вазифаси ҳақида
– Ўз-ўзини яккалаш чоғида тинимсиз меҳнат қилдим. Бир кун ҳам машғулотлардан зерикканим йўқ. Ички биринчиликда ўйинларимдан кўнглим тўлди. Aйниқса, жамоавий ҳаракатларимздан юз фоиз қониқдим. Бу ажойиб мавсум бўлди деб ҳисоблайман.
Тўп суриш иштиёқи
– Сизларга ғалати эшитилиши мумкин, бироқ бу сўзларимни барча мураббийларим тасдиқлашлари аниқ. Мен футболни севаман. Aйнан майдонда ҳаракат қилганимда ўзимни жуда яхши ҳис этаман. Мураббийимиз мавсум давомида ротатциядан фойдаланади. Сабаби, бизда юқори даражадаги ижрочилар кўп. Шунга қарамай, доимо майдонда бўлишни истайман. Очиғи, менинг паспортдаги ёшим билан эмас, майдонда кўрсатаётган ўйиним билан баҳолашларини истайман. Тўғриси, ўз ёшим ҳақида сўзлашни ҳуш кўрмайман.
Мавсум рестарти ҳақида
– Бу мавсум қолганларидан анча узоқроққа чўзилди. Кўплаб ўйинлар ўтказдик ва уларнинг барчасида яхши таассурот қолдирдик. Рестартдан сўнг, барча футболчилар тўпни соғинганини намойиш эта олди. Биз оғир меҳнат сабабли мураббий истаган даражага кўтарила олдик. Биз 10 та ўйиннинг 10 тасида ғалаба қозондик. Бу шунчаки фантастик натижа деб ҳисоблайман.
ЕЧЛ ҳақида
– Бу таркиб ҳеч қачон ўзидан кўнгли тўлмайдиган йигитлардан иборат. Биз тинимсиз ғалаба қозонишни истаймиз. “Ла Лига” якунлангач, бизни “Сити”га қарши оғир учрашув кутиб турибди. Илк учрашувда мағлуб бўлдик, бироқ ишончли футбол намойиш этдик. Aламли мағлубият бўлди, лекин доимо ғалаба қозонишнинг иложи йўқ. Бизда Манчестер клубига қарши битта сифатли футбол учрашуви намойиш этуш учун ресурс етарли деб ҳисоблайман.
Жамоанинг айни дамдаги формаси ҳақида
– Эндиликда яхшилаб дам олишимиз ва олдимизда турган ўйинларга тайёргарлик кўришимиз лозим. Энди бизни жуда муҳим ва асабий баҳс кутиб турибди. Тўғриси, чемпионлик пойгасида “Сити”ни мағлуб этишга қодирлигимизни намойиш этдик. Энди ҳаммасини ЕЧЛда яна исботлашимиз даркор.
