Испания чемпионатининг 38-тури доирасида 19 июль куни «Леганес» ўз уйида «Реал»ни қабул қилиб, жанговар дурангга имзо чекди. Ваҳоланки, мезбонлар Ла лигада жон сақлаб қолиш учун уларга фақат ва фақат ғалаба керак эди.

Улар бунга интилишди, ҳаракат қилишди. "Леганес" икки марта ҳисобда ортда бориб, мувозанатни тиклади. Сўнгги дақиқаларда майдон эгалари катта куч билан олдинга ташланишди, бир қатор хавфли вазиятларни яратишди, аммо вазиятни якунлашда уларга аниқлик етишмади.

"Сельта" сафарда "Эспаньол" билан дуранг ўйнади. Бу эса "Леганес" учун яхши имконият эди. Аммо жамоа "Реал"ни мағлуб эта олмади ва Ла лигани тарк этди.

Муддатидан аввал чемпионликни қўлга киритган "Реал" эса асосан иккинчи таркиб билан ҳаракат қилди. Натижада мадридликлар ушбу мавсумда 87 очко жамғаришди.  

Испания Ла лигаси, 38-тур
Леганес – Реал Мадрид 2:2 (1:1, 1:1)
Голлар: 0:1 – 9 Рамос, 1:1 – 45 Хиль, 1:2 – 52 Асенсио, 2:2 – 78 Ассале.
Леганес – Куэльяр, Сиовас, Сильва, Росалес, Бустинса, Хиль, Ресио (Меса, 55), Руибаль (Герреро, 46), Амаду (Авилес, 78), Тарин (Ассале, 55), Ману (Оскар Родригес, 46).
Реал Мадрид – Ареоля, Милитао, Менди, Рамос (Начо, 46), Васкес, Иско, Вальверде, Асенсио (Браим Диас, 61), Каземиро (Кроос, 61), Винисиус Жуниор, Бензема (Йович, 61).
Огоҳлантиришлар: Ресио (39), Руибаль (43), Бустинса (49), Сильва (56), Браим Диас (66).