"Арсенал" ҳужумчиси Пьер-Эмерик Обамеянг ёзда бошқа жамоага ўтишни истамоқда.
"Mundo Deportivo" тарқатган хабарга кўра, габонлик футболчи ўзи олдига "Барселона"га ўтишни мақсад қилиб қўйган. Обамеянгга "кўк-анорранглилар"нинг ўйини ёқади ҳамда у мазкур жамоа сафида юқори натижаларга эришишига ишонмоқда. Унинг "канонирлар" билан шартномаси 2021 йилнинг ёзида якунига етади.
"Барселона" ҳам ҳужумчига қизиқиш билдирмоқда. Каталонияликлар Лаутаро Мартинесни қўлга кирита олишмаса, эътиборни Обамеянгга қаратишади.