"FootballHD" веб-сайти Европанинг кучли 4та миллий чемпионати — Испания Ла лигаси, Англия премьер-лигаси, Италия А серияси ва Германия бундеслигасининг якунлари бўйича яхлит рамзий жамоа тузиб чиқди. Франция чемпионати муддатидан аввал якунлангани учун Лига-1 футболчилари ушбу жамоага киритилмади.

Рамзий жамоадан "Ливерпуль"дан 4 нафар, "Бавария"дан эса 3 нафар ўйинчи киритилди. Мавсумни юқори савияда ўтказган Серхио Рамос ("Реал") рамзий жамоадан ўрин олмади, унинг ўрнига Рафаэь Варан таркибга киритилди.

Лионель Месси ва Криштиану Роналдуга ҳам ушбу жамоадан жой тегмади.

Европанинг топ-4 чемпионатлари 2019/2020 мавсуми рамзий терма жамоаси:

Дарвозабон: Алиссон Беккер («Ливерпуль»)

Ҳимоячилар (ўнгдан чапга): Йозуа Киммих («Бавария»), Виржил Ван Дейк («Ливерпуль»), Рафаэль Варан («Реал» Мадрид), Эндрю Робертсон («Ливерпуль»)

Ярим ҳимоячилар: Жордан Хендерсон («Ливерпуль»), Кевин Де Брейне («Манчестер Сити»), Луис Альберто («Лацио»), Томас Мюллер («Бавария»)

Ҳужумчилар: Йосип Иличич («Аталанта»), Роберт Левандовски («Бавария»)