«Милан» дарвозабони Жанлуиджи Доннарумма «Аталанта»га қарши бўлиб ўтган ўйин (1:1) борасида ўз фикрини билдириб ўтди.

«Ҳозир жамоавий ўйин намойиш этяпмиз, жипслашган ҳолда ҳаракат қиляпмиз, майдонда қандай жойлашиш кераклигини биламиз. «Милан» ажойиб ишни амалга оширди. Афсуски, бугунги ўйинда бор-йўғи 1 очкони қўлга киритдик, лекин ҳаммаси жойида.

Алессио Романьоли учун афсусдаман. У ажойиб дўст ва яхши сардор. Умид қиламан, ушбу мавсумда у бизга ёрдам бера олади. «Милан»нинг сардорлик боғичини тақиш – мен учун шараф.

Мақсадимиз — 5-ўрин. Биз курашамиз. Яна 2та финал учрашуви бизни кутиб турибди», – деди Доннарумма.