The Times нашрининг тарқатган маълумотига қараганда, Дортмунднинг "Боруссия" клуби жамоа ҳужумкор ярим ҳимоячиси Жейдон Санчонинг ўрнига янги футболчи излашни бошлади. Сабаби, Санчога Англиянинг "Манчестер Юнайтед" клуби жиддий қизиқиш билдирмоқда.
Шу сабабли, "Боруссия" клуби раҳбарияти Франциянинг "Лилль" клуби ҳужумкор ярим ҳимоячиси Жонатан Иконани сотиб олишни режалаштирмоқда. Ўз вақтида француз клуби ўз футболчисининг трансфери учун 41 милли фунт стерлинг талаб қилмоқда.
Санчонинг ўзи "манкунианлар" билан шахсий шартномаси борасида келишувга эришганлиги ҳақида маълумотлар тарқалди, бироқ, дортмундликлар Санчони 90 миллион фунт стерлингдан камига сотиш ниятида эмас, "МЮ" эса ушбу трансфер борасида ҳали бир тўхтамга келмади.