«Барселона» президенти Жозеп Бартомеу жамоа ярим ҳимоячиси Артур клуб ихтиёрига қайтиб келмаганини тасдиқлади. Август ойида «Ювентус» сафига қўшилади.
«Артур қилган иш — бу жамоадошларига нисбатан ҳурматсизлик. Чунки, жамоа Европа чемпионлар лигасига тайёргарлик қилмоқда. Шунингдек, бу клубга нисбатан ҳам ҳурматсизлик. Муҳим турнир олдидан ўйинчининг жамоа сафидан кетишида мантиқ йўқ. Бундай хатти-ҳаракатни оқлаб бўлмайди.
Биз у билан Чемпионлар лигаси охирига қадар «Барса» сафида ўйнашига келишиб олгандик. У жамоада муҳим бўлган футболчи ва бизга ёрдам бериши мумкин эди.
Аммо кичик таътилдан кейин у жамоага қайтмади. Бу йўл қўйиб бўлмайдиган интизомсизлик. Шунинг учун суриштирув ишларини бошладик. Унинг клубга қайтмаслигини оқлайдиган факт йўқ.
У қўнғироқ қилди: «Мен клубга қайтмайман, Бразилияда қоламан», деди. Бу унинг қарори. Ҳеч ким унга рухсат бермаган эди», – деди клуб президенти.