Германиялик таниқли ҳужумчи Сандро Вагнер футболчилик фаолиятини якунлади.
Германиялик футболчи бир ҳафта олдин Хитойнинг "Тяньцзинь Тэди" клубини тарк этганди ва бутсаларини михга илганини расман эълон қилди.
Футболчининг сўзларига кўра, унга бир қатор клублардан таклифлар тушган, лекин у кузда мураббийликка ўқишни маъқул кўрди.
Вагнер "Бавария", "Герта" ва "Хоффенхайм" клубларида ўйнаган. Германия терма жамоасига 8 та учрашувда майдонга тушиб, 5 та гол киритди. "Бундестим" билан 2017 йили Конфедерация Кубогида ғолиб чиққан.
