Ҳуқуқий жиҳатдан Англиянинг "Манчестер Юнайтед" клубига тегишли бўлган, айни пайтда фаолиятини ижара асосида Италиянинг "Интер"ида давом эттираётган Алексис Санчес кейинги мавсумда тўлақонли Италия клуби футболчисига айланади.
Corriere della Sera нашрининг тарқатган маълумотига қараганда, "нерадзуррилар" чилийлик футболчининг трансфери борасида "Манчестер Юнайтед" клуби билан келишувга эришди ва бу битим 15 миллион еврони ташкил қилади.
2019/20 йилги мавсумда Санчес 4 та гол киритиб, 10 та голга ҳаммуаллифлик қилди.
