Суперлиганинг биринчи давра ўйинлари марказлашган тартибда ўтказилишидан хабарингиз бор. «Бунёдкор» жамоаси бош мураббийи Вадим Абрамов бу ҳақдаги фикрлари билан ўртоқлашди.

- Куни кеча бўлиб ўтган йиғилишда барча бир фикрга келди. Ҳамма бир қарорга келганидан сўнг буни муҳокама қилишдан маъно йўқ. Тошкент ва пойтахт вилояти жамоалари адолат юзасидан бошқа майдонларда ўйнашини оддий қабул қилдим. Чунки барибир учрашувлар томошабинларсиз ўтяпти, шунинг учун ўз майдонида тўп суриш кимгадир устунлик беради, деб ўйламайман. «Бунёдкор»га-ю умуман фарқи йўқ. Ўринбосарлар сунъий майдонларда ўйнашини ҳозирги вазиятдан келиб чиққан ҳолда тўғри, сабаби барча 14та жамоа учун табиий қопламали майдон топиб беришнинг ўзи мушкул.