Англия матбуоти «Арсенал» клубидаги кескин вазият ҳақида хабар тарқатмоқда. Клуб оммавий равишда ўз ходимларини ишдан бўшатишга қарор қилди. 55 нафар ходим ишдан бўшатилди. Бу клубдагиларнинг тахминан 10 фоизини ташкил этади.
Бунга параллел равишда «Арсенал» Пьер-Эмерик Обамеянг билан келишувга эришди. Янги битимга кўра, "канорирлар" футболчига ҳафтасига 250 минг фунт маош тўлайди. Бундан ташқари, «Арсенал» Виллиан билан ҳафтасига 100 минг фунтлик шартнома тузиш арафасида.
«Арсенал» футболчилари ходимларнинг оммавий равишда ишдан бўшатилишига қаршилик қилишмоқда. Илгари, уларга пандемия туфайли юзага келган инқироз даврида ойлик маошларини қисқартириш бўлмайди деб ваъда берилган эди. Футболчилар маошларининг 12,5 фоизларидан воз кечишган эди. Энди кўпчилик ўша маблағлар Виллиан ва Обамеянгга кетмоқда деб ҳисоблашмоқда.
