Angliya matbuoti «Arsenal» klubidagi keskin vaziyat haqida xabar tarqatmoqda. Klub ommaviy ravishda o‘z xodimlarini ishdan bo‘shatishga qaror qildi. 55 nafar xodim ishdan bo‘shatildi. Bu klubdagilarning taxminan 10 foizini tashkil etadi.
Bunga parallel ravishda «Arsenal» Pyer-Emerik Obameyang bilan kelishuvga erishdi. Yangi bitimga ko‘ra, "kanorirlar" futbolchiga haftasiga 250 ming funt maosh to‘laydi. Bundan tashqari, «Arsenal» Villian bilan haftasiga 100 ming funtlik shartnoma tuzish arafasida.
«Arsenal» futbolchilari xodimlarning ommaviy ravishda ishdan bo‘shatilishiga qarshilik qilishmoqda. Ilgari, ularga pandemiya tufayli yuzaga kelgan inqiroz davrida oylik maoshlarini qisqartirish bo‘lmaydi deb va’da berilgan edi. Futbolchilar maoshlarining 12,5 foizlaridan voz kechishgan edi. Endi ko‘pchilik o‘sha mablag‘lar Villian va Obameyangga ketmoqda deb hisoblashmoqda.
