«Ювентус» ҳужумчиси Криштиану Роналду Европа Чемпионлар Лигаси 1/8 финал жавоб баҳси доирасида «Лион»га қарши кечган ўйинда (2:1) дублга эришди.
35 ёшли португалиялик футболчи мавсум давомида 37 та гол урди ва бу борада клуб рекордини ўрнатди. Унга қадар туринликларнинг ҳеч қайси футболчиси бир мавсум давомида бу қадар кўп гол урмаганди.
Аввалги рекорд 95 йилдан буён янгиланмай келаётганди. Ференс Хирцер 1925/26 йилги мавсумда 35 та гол урганди.
Роналду Чемпионлар Лигасидаги голлари сонини 130 тага етказиб олди ва бу борада етакчи бўлиб турибди.
