Россия чемпионатининг 1-тури доирасида бўлиб ўтган «Спартак» – «Сочи» учрашувидан сўнг мезбонлар бош мураббийи Доменико Тедеско нима учун Остон Ўрунов қайдномага киритилмаганига изоҳ берди.

— Жамоанинг янги ўйинчилари — Александр Кокорин ва Остон Ўрунов нима учун ўйинни ўтказиб юборишди?
— Кокоринда жароҳат бор эди, кеча у оёғида оғриқ ҳис қил ва машғулотда иштирок этмади. Бугун эрталаб мен ундан ўйнашга тайёрлигини сўрадим, у "йўқ" деди. Бундай ҳолатда ўйинчига ишонамиз.

Ўрунов борасида эса, у формага кириб олиш учун қўшимча тайёргарлик режасини ўташи керак. У коронавирусга чалиниб, 3 ҳафта давомида шуғулланмади.