Лиссабоннинг "Бенфика" клуби бош мураббийи Жорже Жезуш ўз жамоаси сафида Эдисон Каванини олиб келиш ниятида эканлигини тан олди.
«Ҳақиқатдан ҳам, Эдинсон Каванининг хизматига қизиқиш билдираётганимиз бор гап. Ушбу трансфер амалга ошиши учун клубимиз президентимиз катта ишларни амалга оширмоқда. Умид қиламанки, тажрибали ҳужумчини ўз сафимизга қўшиб олишни уддасидан чиқамиз», — деди Жорже Жезуш.
Эслатиб ўтамиз, Каванининг "ПСЖ" клуби билан амалдаги шартномаси якунига етди ва уругвайлик футболчи эркин агентга айланди.
