Италиянинг «Интер» клуби ҳимоячиси Милан Шкриньяр фаолиятини ПСЖ клубида давом эттириши мумкин. Клуб раҳбарияти айнан ушбу футболчини шартномаси якунланиб, эркин агентга айланган Тьяго Силванинг ўрнига муносиб номзод сифатида кўришмоқда.

Италия матбуотининг ёзишича, Шкриньярнинг келажаги Антонио Контега боғлиқ. Агар Конте «Интер»да қоладиган бўлса, у ҳолда футболчи "нераддзурилар" таркибини тарк этади. Агар акси бўлса, у ҳолда Милан Италияда қолади. Чунки, бош мураббий ва Шкриньяр орасидаги муносабат яхши эмас.

Шунингдек, Шкриньярга «Манчестер Сити», «Манчестер Юнайтед» ва «Тоттенхэм» клублари қизиқиш билдиришмоқда.