"Барселона " футболчиларидан бири коронавирусга чалинди
Каталония клуби матбуот хизматининг хабарига кўра, Covid-19 бугун янги мавсумга тайёргарликни бошлаган тўққиз ўйинчидан биттасида аниқланган.
Булар Педри, Франциско Тринкау, Матеус Фернандес, Жан-Клер Тодибо, Мусса Ваге, Карлес Аленья, Рафинья Алькантара, Хуан Миранда ва Ориоль Бускетс. Уларнинг ҳаммаси ижарадан қайтишган эди.
Ҳозирда вирусга чалинган футболчининг номи ошкор қилинмаяпти
Covid-19 га чалинган футболчининг аҳволи яхши эканлиги ва ўз уйида изоляцияда эканлиги айтилмоқда.
Алоҳида қайд этиш керакки, футболчи бугун Лиссабонга Чемпионлар лигаси чорак финалида "Бавария"га қарши учрашувда иштирок этиш учун учадиган жамоанинг бирон бир аъзоси билан боғланмаган.
