ЕЧЛ чорак финал босқичидан ўрин олган "Аталанта" ҳамда "ПСЖ" жамоалари ўртасидаги ўйин бўлиб ўтмоқда (0:0, биринчи бўлим).
Ўйиннинг дастлабки дақиқаларида ПСЖ ҳужумчиси Неймарда гол уриш учун қулай имконият бўлганди, бироқ футболчи фойдалана олмади. Таниқли шарҳлоавчи Даврон Файзиев телеграмдаги каналида ушбу вазият учун қуйидаги изоҳ берди.
"Марказдан шамолдек учиб ёриб кириши, ҳимоячиларнинг унга қарши ҳеч нарса қилолмаслиги бизга ҳақиқий Неймарни эслатди. Энг муҳим паллада ҳаммасини қўлдан чиқариши ҳам бизга унинг ўзини эслатди. Бутун фаолияти шундай. Энг кўп талантнинг энг кам қадрига етган инсон. Ҳали ҳам кечмас", -дея ёзиб қолдирди.
