"ПСЖ" биринчи таймни чиройлироқ ўйнаб ўтказди ва ютқазди. Нега? Чунки чиройли футбол индивидуал маҳоратга кўпроқ боғлиқ. Натижага эришиш учун тартиб ва баланс ҳам керак. Бу эса мураббийга боғлиқ. Яқин 45 дақиқа Тухель фаолиятини белгилаб беради. Ўзи оқсоқлансаям жамоасини равон ҳаракатлантира олиши керак.

Аслида ҳаммага тушунарли, "ПСЖ" "Аталанта"дан моддий, таркиб, тажриба, даража жиҳатдан кучлироқ. Унда нега қийналди? Чунки Францияда "ПСЖ"нинг "Аталанта"дек рақиблари йўқ.

Ва албатта бугунги ўйиндаги интрига муаллифларидан бири Франция спорт вазиридир. Чемпионатни эрта тўхтатиб амалиётни йўққа чиқарди.

Мбаппе ва Неймар Тухель учун рамзий маънода қўлтиқ-таёқ вазифасини ўтаб беришди. Хулоса чиқариб ярим финалгача оёғини тузатмаса қийин бўлади. Дейлик, "Атлетико"лар иккинчи оёғини ҳам синдириши мумкин.

"Аталанта"га симпатия пайдо бўлиши табиий. Лекин, клуб ҳали Европада кучли тўртликка тортмайди. Аччиқ ҳақиқат. Охирги дақиқаларда ҳаммасини бой бериб ташлаш бу фақатгина савия етишмаслигидан.

Даврон Файзиев.