«Бавария» бошқарув кенгаши раиси Карл-Хайнц Румменигге «Барселона» ҳужумчиси Лионель Мессини қандай тўхтатиш мумкинлиги ҳақида ўз фикрини билдириб ўтди. Каталонияликлар ва мюнхенликлар Европа чемпионлар лигаси чорак финал босқичи доирасида ўзаро тўқнаш келишади.

«Мен Мессини жуда ҳурмат қиламан. У эга бўлган хислатлар жаҳондаги ҳеч бир футболчида йўқ. У ҳеч кимнинг ёрдамисиз ёлғиз ўз ўйин тақдирини ҳал қилиши мумкин.

Мессини диққат билан қўриқлаш ҳамда унинг эркин ҳаракатланиши имкониятини чеклаш керак. Уни ўйиндан завқ олиш имкониятидан маҳрум қила олсак, Лионелни тўхтатиш мумкин. Буни уддалай олсангиз, сизда ғалаба учун имконият юзага келади», — деди Румменигге.

Эслатиб ўтамиз, «Барселона» — «Бавария» учрашуви 14 август куни бўлиб ўтади.