Про лига биринчи давраси якунига 17 та учрашув қолганди. Уларни 3 қисмга бўлиб, марказлаштирган ҳолатда ўтказиш, шуларнинг 15 тасини жонли эфирга олиб чиқишни режалаштиргандик.

Боиси, Про лига географияси кенгроқ, Хоразмга қадар чўзилган. Аммо кеча ҳукумат карантин қоидалари енгиллашиши, самолёт ва поездлар қатнови қайта тикланиши ҳақида хабар берди. Шундан келиб чиқиб, Про лига учрашувларини одатдаги режимда қолдирдик. Энди футболчилар аввал антитаначаларни аниқлаш учун, кейин эса ПЦР тестини топширишлари керак бўлади. Яқин кунларда Про лига қайси санадан қайта тикланиши аниқ бўлади.

Coca Cola Суперлигани эса аллақачон режа қилиб бўлгандик. Спорт-ТВ ва бошқа барча масалалар шунга қаратилган. 13-тур учрашувларини эсон-омон якунлаб олсак, иккинчи давра масаласида мураббийлар ва раҳбарлар билан қайта учрашув ўтказишга келишилган.

Диёр Имомхўжаев.