"Ливерпул" "Бавария" яримҳимоячиси Тиаго Алькантара трансфери бўйича музокараларни бошлади, дея хабар беради Bild нашри.
Манбанинг хабарига кўра, клуб вакиллари "Бавария" спорт директори Ҳасан Салихамиджич билан учрашув ўтказишди.
Журналист Фабрицио Романонинг хабар беришича Мюнхен клуби 29 ёшли испаниялик футболчи учун камида 30 миллион евро ишлаб олмоқчи. Унинг сўзларига кўра, "Ливерпуль" яримҳимоячи учун бунча пул тўлашга тайёр эмас ва нархни туширишга умид қилмоқда.
Эслатиб ўтамиз, 2019/20 йилги мавсумда Тиаго "Бавария" сафида 37 ўйинда майдонга тушиб, 3 гол ва 2 голлик узатма амалга оширди.
