«Арсенал»нинг янги футболчиси Виллиан ўз таассуротлари билан ўртоқлашди. Эслатиб ўтамиз, бразилиялик ўйинчи "канонирлар" билан 3 йиллик шартномага имзо чекди.
«Арсенал» жаҳондаги топ-клубларидан бири бўлгани учун бу жамоага ўтишга қарор қилдим. Микель Артета бошқаруви остида янги лойиҳа тузилмоқда. Ўйлашимча, "Арсенал" ёрқин ўйин кўрсатишга лойиқ клуб. Мен эса ушбу лойиҳанинг бир қисми бўлишдан хурсандман. «Арсенал» оиласининг бир қисми бўлиш – ақлбовар қилмас ҳиссиёт.
Мен бу клубга совринлар қўлга киритиш учун келдим. Чунки жамоа шунга муносиб. Ҳар бир ўйинда ғалаба қозониш учун қўлдан келган барча ишни қилиш керак», – деди Виллиан "Sky Sports" нашрига берган интервьюсида.