Таниқли шарҳловчи Даврон Файзиев "Барселона" ва "Бавария" ўйини ҳақида ўз фикрлари билан ўртоқлашди.
"Кеча бир постни мана бу ибора билан бошлагандим:
“2020 йил бизни бошқа хайрон қолдиролмайди деб турганимизда...”
Бугунга ҳам тушар экан.
Ҳамма тушуниб турибти, бу мағлубият ортида Барселонанинг бошқа муаммолари ётибти. Бавария билан эса ҳаёлни 200 фоиз жойига қўйиб ўйнаш талаб этилади.
Бироз ухламай турсангиз балки Сетьен истеъфоси ҳақида хабар чиқар. Бу билан ечим тўлиқ топилмайди. Бартомеу ҳам кетиши керак. Бу натижани у юва олмайди.
Бавария эса шу даражага етдики, ўйинларни фақат йирик ҳисобда тугатмоқда. Менимча энди турнирда фаворит битта. Тасаввур қилолмаяпман бу туришида ким ва ниманинг эвазига тўхтата олади", -дея ёзиб қолдирди Файзиев телеграмдаги каналида.
