«ПСЖ» ва «Бавария» ўртасидаги Чемпионлар лигаси финалини бошқариб борувчи ҳакамлар эълон қилинди.

УЕФА расмий сайти тарқатган хабарга кўра, ЕЧЛ 2019/20 йилги мавсумининг ҳал қилувчи баҳсини италиялик рефери Даниэле Орсато бошқариб боради. Унга қанотларда Лоренцо Манганелли ва Алессандро Жаллатини ёрдам беради.

Эслатиб ўтамиз, «Пари Сен-Жермен» - «Бавария» финал ўйини 23 август куни Лиссабондаги «Эштадиу ду Бенфика» стадионида ўтказилади. Учрашув 23:59да бошланади.

Яримфиналда «ПСЖ» «Лейпциг»ни мағлуб (3:0) этган бўлса, «Бавария» «Лион»ни таслим этди (3:0).