11-тур доирасида бўлиб ўтган "Андижон"-АГМК жамоалари ўртасидаги учрашувдан сўнг, Миржалол Қосимов ўз фикрларини билдирди.
- Рақибни яхши ўрганган эдик. Учта марказий ҳимоячи билан ўйнайди деб ўйламагандим, чунки аввалги ўйинларида тўртта ҳимоячи ўйнаган эди. Биринчи бўлимда яхши вазиятлар содир этдик. Пенальтидан ўтказиб юборган голимиз футболчиларга қўшимча маъсулият юклади ва янада кучлироқ ўйин кўрсатишга ҳаракат қилишди.
Рақиб ҳам, биз ҳам бир хил шароитда ва бир хил вақтда ўйнадик. Ёшлигимни эсласам, соат 15:00да ҳам ўйнаган кунларим ёдга тушмоқда.
Таркибдан қониқяпмиз, ротация қилиб ҳар бир футболчига имконият берилмоқда.
