"Сурхон"га қарши кечган баҳсдан сўнг "Бухоро" бош мураббийи Жамшид Саидов ўз фикрлари билан ўртоқлашди.
"Биринчи навбатда ўйин учун йигитларга катта раҳмат айтаман. Бу биринчи ғалабамиз бўлди. Ният қиламанки охиргиси ҳам бўлиб қолмайди. Келаси барча ўйинларда ҳам қаттиқ ҳаракат қиламиз. Бу ғалаба бизга сув ва ҳаводек зарур эди. Яна бир бор катта раҳмат дейман йигитларга ва бизни Бухородан туриб, ойнайи жаҳон орқали қўллаб-қувватлаб турган муҳлисларимизга. Ушбу ғалабани уларга бағишлаймиз.
Кўпгина вазиятларда оқсаб қоляпмиз, бу ўйинда ҳам анчагина вазиятлар кўкка совурилди. Бу бизнинг катта камчиликимиздир, албатта бу муаммони бартараф этиш учун қаттиқ меҳнат қиламиз. Ёш футболчилармиз эса ўйиндан ўйинга кучайиб бораверишади", -деди Саидов.
