"Surxon"ga qarshi kechgan bahsdan so‘ng "Buxoro" bosh murabbiyi Jamshid Saidov o‘z fikrlari bilan o‘rtoqlashdi.
"Birinchi navbatda o‘yin uchun yigitlarga katta rahmat aytaman. Bu birinchi g‘alabamiz bo‘ldi. Niyat qilamanki oxirgisi ham bo‘lib qolmaydi. Kelasi barcha o‘yinlarda ham qattiq harakat qilamiz. Bu g‘alaba bizga suv va havodek zarur edi. Yana bir bor katta rahmat deyman yigitlarga va bizni Buxorodan turib, oynayi jahon orqali qo‘llab-quvvatlab turgan muhlislarimizga. Ushbu g‘alabani ularga bag‘ishlaymiz.
Ko‘pgina vaziyatlarda oqsab qolyapmiz, bu o‘yinda ham anchagina vaziyatlar ko‘kka sovurildi. Bu bizning katta kamchilikimizdir, albatta bu muammoni bartaraf etish uchun qattiq mehnat qilamiz. Yosh futbolchilarmiz esa o‘yindan o‘yinga kuchayib boraverishadi", -dedi Saidov.
