«Аждарлар» Суперлиганинг 12-турда яна бир Тошкент жамоаси «Бунёдкор» га қарши майдонга чиқади. «Насаф» – «Бунёдкор» учрашуви 24 август куни «Пахтакор» стадионида бўлиб ўтади. Мазкур баҳс соат 19:00да бошланади.

Ўзаро учрашувлар тарихидан

Мазкур жамоалар Ўзбекистон чемпионатида шу вақтга қадар 26 бор куч синашишган. Натижалар «қалдирғочлар» нинг устунлигини кўрсатмоқда. Бўлиб ўтган 13 учрашувда тошкентликлар, 4 ўйинда эса вакилларимиз зафар қучишган. 9 учрашувда эса дуранг натижа қайд этилган.

Тўплар нисбати 18:38 га тенг. Устунлик «Бунёдкор» тарафида.

Ўзаро учрашувларда қайд этилган энг юқори ҳисоблар қуйидагича: «Насаф» – «Бунёдкор» 3:1, «Бунёдкор» – «Насаф» 5:0.

Жамоалар сўнгги ўзаро учрашувни 2019 йили 11 август куни Қаршида ўтказган. Бу учрашувда 3:1 ҳисоби қайд этилган.

Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:

11.08.2019 Насаф — Бунёдкор 3:1
16.06.2019 Бунёдкор — Насаф 1:1
11.08.2018 Насаф — Бунёдкор 1:4
04.05.2018 Бунёдкор — Насаф 2:1
18.08.2017 Насаф — Бунёдкор 0:1