«Ajdarlar» Superliganing 12-turda yana bir Toshkent jamoasi «Bunyodkor» ga qarshi maydonga chiqadi. «Nasaf» – «Bunyodkor» uchrashuvi 24 avgust kuni «Paxtakor» stadionida bo‘lib o‘tadi. Mazkur bahs soat 19:00da boshlanadi.
O‘zaro uchrashuvlar tarixidan
Mazkur jamoalar O‘zbekiston chempionatida shu vaqtga qadar 26 bor kuch sinashishgan. Natijalar «qaldirg‘ochlar» ning ustunligini ko‘rsatmoqda. Bo‘lib o‘tgan 13 uchrashuvda toshkentliklar, 4 o‘yinda esa vakillarimiz zafar quchishgan. 9 uchrashuvda esa durang natija qayd etilgan.
To‘plar nisbati 18:38 ga teng. Ustunlik «Bunyodkor» tarafida.
O‘zaro uchrashuvlarda qayd etilgan eng yuqori hisoblar quyidagicha: «Nasaf» – «Bunyodkor» 3:1, «Bunyodkor» – «Nasaf» 5:0.
Jamoalar so‘nggi o‘zaro uchrashuvni 2019 yili 11 avgust kuni Qarshida o‘tkazgan. Bu uchrashuvda 3:1 hisobi qayd etilgan.
E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:
11.08.2019 Nasaf — Bunyodkor 3:1
16.06.2019 Bunyodkor — Nasaf 1:1
11.08.2018 Nasaf — Bunyodkor 1:4
04.05.2018 Bunyodkor — Nasaf 2:1
18.08.2017 Nasaf — Bunyodkor 0:1
