Бекободнинг “Металлург” жамоаси мамлакат миллий чемпионатининг кучлилар сафида 1998 йилдан буён узлуксиз қатнашиб келмоқда.

Шу кунгача бекободликлар олий лига ҳамда Суперлига мусобақаларида жами 653 та ўйин ўтказган бўлиб, шулардан 219 тасида ғалаба қозонган. 124 та баҳсда эса рақиблар билан очколарни баҳам кўрган бўлса, мағлубиятлар сони уч юзтага етди. “Қизилқум”га қарши олдинги турдаги мағлубият бекободликлар тарихига 300- мағлубият сифатида ёзилди.

“Металлург” мазкур учрашувларда рақиблари дарвозасини 814 бор аниқ нишонга олган бўлса, ўз дарвозасидан 1007 бор тўп олиб чиқишга мажбур бўлган.