Россия чемпионатининг 6-тури доирасида «Спартак» ва «Арсенал» жамоалари ўртасида ўйин бўлиб ўтди. Унда ўзбекистонлик ярим ҳимоячи Остон Ўрунов москваликлар сафида дебют қилди.

Баҳснинг 36-дақиқасида тулаликлар футболчиси Хлусевич ҳисобни очган бўлса, орадан 5 дақиқа ўтиб Соболев ҳисобни тенглаштирди. Биринчи бўлимга қўшиб берилган 3-дақиқа ўтаётганида Жиго "Спартак"ни олдинга олиб чиқди.

Иккинчи бўлимда ҳисоб ўзгармади. Ўрунов эса баҳснинг 69-дақиқасида Гус Тиль ўрнига захирадан майдонга тушди.

Ушбу ғалабадан кейин «Спартак» ўз очколарини 14тага етказиб, жадвалда 1-ўринга кўтарилиб олди.

Россия премьер-лигаси, 6-тур
Спартак – Арсенал Тула 2:1 (2:1, 0:0)
Голлар: 0:1 – 36 Хлусевич, 1:1 – 41 Соболев, 2:1 – 45 Жиго.
Спартак – Максименко, Маслов, Айртон, Жиго, Джикия, Зобнин, Умяров (Ещенко, 69), Бакаев (Тил, 57; Ўрунов, 69), Крал, Ларссон (Мирзов, 88), Соболев.
Арсенал Тула – Нигматуллин, Бурлак, Сокол, Бауэр, Кангва (Чаушич, 78), Пантелеев (Горбатенко, 68), Костадинов (Ткачев, 78), Громыко, Лесовой, Кангва (Банда, 68), Хлусевич (Довбня, 84).
Огоҳлантиришлар: Лесовой (13), Сокол (30), Пантелеев (42), Жиго (71), Чаушич (90).
Четлатиш: Лесовой (45).